1) Süüke ja juukõ võistluisil osalõmisõ tingmusõ’:

•    Võistlõmma tuud kraami iist rahha masta-ai.
•    Kraami iist andas tuujalõ vaba sissepäseminõ tuusama kaubasordi maitsmisõ.
•    Kraam piat olõma umatett vannamuudu retsepti perrä ja küläst peri ainist.
•    Kaupa piat olõma:
Olt -  3 liitrit
Verevät viina - 2 liitrit
Hans´at - 1,5 liitrit (teräviljäst vai linnasõst tett ja üle 41 kraadi)
Sõira    - 2 kg
Makõt piirakut - 2 kg
Soolast  piirakut - 2 kg
Leibä (vannamuudu)    - 2 kg
•    Kraami või tuvva’ ka’ inäbä, a sis tuu pandas kunigalavva pääle kostis.
•    Kraamõ vastavõtminõ kell 10.00 - 12.00.
•    Hindaja’ (söögi- ja joogimaitsja’) andva’ uma helü, a piat tuu iist masma: hans´a 4 €, ol’ ja vein 3 €, sõir, piiragu´ ja leib 2 €.
•    Kõkõ inäbä helli saanu’ söögitegija ommõgi s´ooaastaganõ meistri.
•    Juukõ ja süüke pruuvminõ lõpõs, ku üte meistri kraam saa läbi, ülejäänü’ joogi ja söögi’ läävä’ kunigalauda kostis.

2) Pillimiihi võistlusõ’:

Pilli':
1)    lõõts,
2)    karmoshka, 
3)    bajaan ja akordijon,
4)    kiiga,
5)    (labaga) kannõl.

Ku om veidebä ku kolm pillimängjät ütest pillirühmäst, sis mängi’ võit, a hindamisõlõ lää-äi.

Kõgõ parep mängjä pillijaoh:
-    mäng seto lugusit (üts minoorilinõ seto lugu ja üts kargus, a kandlõ pääl tulõ mängi’ kats kargust)
-    mäng seto muudu (tehniga, helü, takt jne)
-    timä perrä om hüä ja lihtsa seto muudu tandsi’

Hindamistargol om õigus jättä' avvuhind vällä andmalda’, ku olõ-õi mängutingimuisi täüdet.

3) Sõnolisõ võistlus:

Valitas kogõnu’, illos, tark ja kõrralinõ seto esindäjä.

Kõgõ parep sõnolinõ:
-    ütles vahtsõ’ sõna’, mäntsit olõ-õi inne valmis har´otõt
-    mõist vannamuudu sõnnosäädmist
-    laul iist nii, õt kooril om hüä ja lihtsa perrä üldä’
-    laul iist nii, õt killõl om hüä ja lihtsa perrä üldä’

4) Kargusõkargaja, kasatskilüüjä võistlusõ’

Valitas kogõnu’, illos, tark ja kõrralinõ seto esindäjä.

Kõgõ parep tandsja:
-     nakai hinnäst näütämmä ku etendüseh vai tands pillimehe perrä.
-    om setomuudu olõkiga
-    om setomuudu kihähoitmisõga.

5) Naisi näpotüü võistlus

Seto suurrätt

Võistlõmisõ jaost saada’ umakoet suurrätt (viimädse kolmõ aastaga joosul koet) Seto seltsimajja neläpäävä õdagust (4. august kell 17.00). Kiroda’ mano väigokõnõ jutt, õt kost eis’ olõt peri ja minkõ perrä olõt räti kudanu’.

6) Vägümehe võistlus

Umma joudu tulõ näüdädä katsildõ: paalka tõmbaminõ ja kiiora viskaminõ. Väkümehes saa tuu, kiä’ mõlõbah tugõvap, kinkõl kõgõ inäbä joudu.